Thursday, July 17, 2008

ကျွန်တော့်အားမွေးဖွားခြင်း


-၁-

ကြယ်တွေစုံ လှပတဲ့ ညတစ်ညမှာ ဘုရားသခင်ရှေ့ ကျွန်တော်ရောက် ရှိသွားပါတယ်....။
နွေးထွေးဖော်ရွေစွာ ကျွန်တော်ကို ပြုံး ပြပါ၏်...။ ကျွန်တော်လဲ အူကြောင်ကြောင်နဲ့ မရဲတရဲ ပြန်ပြုံးပြ
နုတ်ဆက်ဖြစ်ပါတယ်........
"မင်္ဂလာပါအရှင်"

-၂-

ကျွန်တော်ကို ခေါင်းတစ်ချက်ညိမ့်ပြပြီး တဖြည်းဖြည်းမှူံဝါး ပျောက်ကွယ် သွားပါတယ်.......။
မကြာခင် ကျွန်တော်ရှေ့ မှာ တံခါးတစ်ပေါက် ပေါ်လာတာကို အူကြောင်ကြောင် မြင်လိုက်ရ၏်........။
ဘယ်လောက်ကြာကြာ ရပ်ကြည့်မသိ ........ သတိပေးစာတန်း အချက်ပေးလာသည်...။
"အထဲသို့ ၀င်လော့ အပြင်၌ ဘာရပ်လုပ်နေသနည်း"

-၃-

ကျွန်တော် ပြာပြာသလဲလဲ သော့ လိုက်ရှာလိုက်တယ်...။ လက်ဝါးကပ်ပုံစံ သော့တစ်ချောင်း ချိတ်ထားတာတွေ့ ရ၏်........ လှမ်းရုံပဲရှိသေး သူ့ အလိုလို တံခါးပွင့်သွားပါတယ်...။
မြန်မြန်ဆန်ဆန်ပဲ ပြေးဝင်လိုက်ပါတယ်......။ ရုတ်တရက် အမှောင်ထုစိုးမိုး သွားသောကြောင့် ကျွန်တော် ကြောက်လန့်တကြား နောက်ပြန်လှည့်မိပါတယ်... သို့သော် တံခါးပိတ်သွား၏..................။ထိုစဉ် ကျွန်တော်မျက်စိရှေ့တွင် သတိပေး စာတန်းကြီးပေါ်လာ၏........................။
"အမှောင်အတွင်းသို့ ရဲရဲလျှောက်ပါ ၊ သင်နောက်တွင် ဘုရားသခင်ရှိ၏"

-၄-

မယုံမှာစိုး၍လားမသိ ကျွန်တော်သွားလေရာ သူလိုက်နေကြောင်း သိစေရန် ကျွန်တော့်ကို ရုပ်ရှင်ပြသကဲ့သို့
ခြေရာနှစ်စုံပြထား၏...။ ကျွန်တော်သွားတဲ့ ခြေရာနောက်က သူ့ခြေရာပေါ့..။ ပျော်ပျော်ရွှင်ရွှင် နဲ့ ကျွန်တော်တို့ အမှောင်ထဲ လမ်းလျှောက်ခဲ့ပါတယ်.. ဒါပေမယ့် လတော်တော်များများ တစ်နှစ်မပြည့်တပြည့် ကြာတဲ့အခါ ကျွန်တော်နေရထိုင်ရ တော်တော်လေးခတ်ခဲလာပါတယ်..။ ကျပ်တည်းမှူ အသက်ရူကြပ်မှူတွေပါ ဖြစ်ပေါ်လာပါ
တယ်...။ ခြေရာတစ်စုံတည်း တွေ့ရတော့သဖြင့် ကြောက်လန့်တကြား ကျွန်တော်ထအော်မိပါတယ်...။ ထိုအခါ
သတိပေး စာတန်းပေါ်လာပါတယ်..။
"မစိုးရိမ်ပါနှင့် ခြေရာသည် သင့်ခြေရာမဟုတ် ၊ သင့်အားပွေ့ ချီထားသဖြင့် ငါခြေရာသာမြင်ရ၏"

-၅-

မကြာခင် ကျွန်တော် တစောင်းအနေအထားဖြင့် အောက်သို့ ငုံ့ ကြည့်ဖြစ်ပါတယ်..။ ရုတ်တရက် ရေ ကျသံနှင့်အတူ အလင်းရောင် သဲ့သဲ့မြင်လိုက်၏...။ သွားစရာလမ်းမရှိတော့ ... ထိုလမ်းသာ အသက်ရူကျပ်တည်းမှူ မှ ကာကွယ်နိုင်ပေမည်....။ ထိုစဉ်စာတန်းပေါ်လာပြန်၏.............................။
"ရဲသော်မသေ ၊ သေသော်ငရဲမလား"

-၆-

နွံတောအတွင်း ပစ်ချခံရသကဲ့သို့ ခံစား မှူနှင့်အတူ ကျွန်တော် အလင်းရောင်ရှိ ရာသို့ မျက်စိပိတ် တအားထိုးထွက်လိုက်ပါတယ်...။ မကြာခင် ရုတ်တရက်ပွေ့ ချီဆွဲ ခေါ်မှူ နှင့်အတူ ကျွန်တော် လွတ်လပ်စွာ အသက်ရူလိုက်ပါတယ်...။မျက်စိအဖွင့် အလင်း၏ စူးရှမှူကြောင့် ကျွန်တော် ကြောက်လန့်တကြား ထအော်လိုက်ပါတယ်...................။

" အူဝဲ..........အူဝဲ..............အူဝဲ"




Tuesday, July 15, 2008

ရှိရဲ့လား မသိဘူးနော်.........

ကျွန်တော်ချစ်သော ကောင်မလေး
ကောင်မလေးချစ်တဲ့ ကျွန်တော်
အမြဲတမ်း ကျွန်တော်ရဲ့ အိမ်မက်ရေကူးကန်ထဲ
ကောင်မလေး အမြဲလာကူးတယ်.............။

အဲဒီတုန်းက ကျွန်တော်ရဲ့ အသက် ၁၆ နှစ်
ရေကူးသူ ဘယ်သူဖြစ်မလဲ...................
အတိတ်ဟာ အီလေးဆွဲ ၊ အနာဂတ်ဟာလေးလံသလို
ပစ္စုပ္ပန်မှာလဲ ဘုရားသခင်ရက်စက်လို့ ......
ကျွန်တော့် နံရိုးခုထိ မတောင်းသေးဘူး...........။

ကြင်နာတတ်ပါရဲ့...
ဝတ္ထုထဲက ဇာတ်လိုက်မဟုတ်လေတော့
ရှိပါစေတော့......... အချိန်တန်တော့
ဘုရားသခင် မဖန်ဆင်းပေးတောင်
အမေတော့ ရှာပေးမယ်ထင်ပါရဲ့.........................။

16 . 7 .2008 . ဗုဒ္ဓဟူးနေ့

မှတ်ချက်။ ။ ညီမလေးတစ်ယောက် လုပ်ပေးလို့ ရေးဖြစ်တာပါ...။ လောလောဆယ် ဘာရေးရမှန်းမသိလို့ ရေးချင်တာပဲရေးလိုက်ပါတယ်.....။ :)